Əli İnsanovun HƏP-i plagiat çıxdı - Fotolar

Əli İnsanovun HƏP-i plagiat çıxdı

Sabiq səhiyyə naziri Əli İnsanovun yaratdığı Haqq və Ədalət Partiyası (HƏP) ilə bağlı narazılıqlar başlayır.

Reyting.az Musavat.com-a istinadla xəbər verir ki, məlumatda Ə.İnsanovun partiyasının adının plagiat olması və bunu onun çevrəsindəki çox adamın bilməsi qeyd olunur.

Belə ki, 2006-cı ilin sonunda Qərbi Azərbaycana Qayıdış Birliyinin rəhbəri Rizvan Talıbov Haqq və Ədalət Partiyasının təsis qurultayının keçirilməsinin təşkili üçün 21 nəfərdən ibarət təşkilat komitəsi qurub və elan edib. Qısa zaman ərzində Təşkilat Komitəsinə yeni üzvlər daxil olub və TK üzvlərinin sayı 55 nəfərə çatıb. Ə. İnsanov da o zaman vəkili vasitəsi ilə HƏP-in qurulmasından xəbərdar olub.

Əli İnsanovun HƏP-i plagiat çıxdı

Bundan öncə, 2005-ci ildə isə Haqq və Ədalət Siyasi Bloku yaradılıb. Həmin vaxt Ə. İnsanov səhiyyə naziri olub. Seçkidən sonra blok fəaliyyətini dayandırıb və R. Talıbov Haqq və Ədalət Partiyasının Təşkilat Komitəsini elan edib.

Məlumat verən mənbə deyir ki, həmin vaxt bu partiyanın qurulması ilə bağlı media orqanları da yazıb və bu səbəbdən Ə. İnsanovun partiyasına "oğurluq ad" qoyması birmənalı qarşılanmayıb. Buna sübut olaraq R. Talıbovun eyni adda qəzetə rəhbərlik etməsi, daha doğrusu, zamanında "Haqq və Ədalət" adlı qəzet nəşr etdirməsi də sübutlar sırasındadır.

Partiya üzvü kimi cəmiyyətə təqdim olunan, daha sonra da bununla bağlı təkzib verən İsfəndiyar Vahabzadə də müsahibəsində qeyd edib ki, o, partiyanın adının İttihad və Tərəqqi olmasını təklif edib, amma çoxluq HƏP adına səs verib.

Əli İnsanovun HƏP-i plagiat çıxdı

Bəzi arxiv materiallarını araşdıranda R. Talıbovun baş redaktor olduğu qəzet üzə çıxıb. Bundan başqa, bir çox media orqanlarında 2006-cı ildən etibarən R. Talıbov Haqq və Ədalət Blokunun həmtəsisçisi, həmsədri kimi təqdim olunub.
Tarix: 27-11-2019, 10:15
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman