Etibar Pirverdiyevə məxsus olduğu deyilən park yandı və ya yandırıldı - FOTO

 Xaçmaz şəhərində yerləşən Səməd Vurğun adına park yanıb.

Yenicag.az xəbər verir ki, bu gün parkın yandığını görən şəhər sakinləri əraziyə dərhal yanğınsöndürmə briqadası çağırıblar.

Hadisə şahidlərinin sözlərinə görə, parkı tanımadıqları saqqallı bir nəfər yandırıb.

Sakinlər iddia edir ki, Səməd Vurğun parkını “Azərenerji” Açıq Səhmdar Cəmiyyətinin prezidenti Etibar Pirverdiyev hansısa yolla əlinə keçirib. Belə ki, əvvəllər parkdan şəhər sakinləri istirahət üçün istifadə edə bilirdilərsə, bir müddət əvvəl park hasara alınıb və buraya giriş dayandırılıb.

Hadisə şahidlərinin bildirdiyinə görə, yanğınsöndürənlərin müdaxiləsindən sonra yanğının qarşısı alınıb. Ancaq çoxlu sayda ağac yanaraq məhv olub.

Əraziyə polis əməkdaşları da gəlib.

Yanğının hansı səbəbdən baş verdiyi araşdırılır.

Etibar Pirverdiyevə məxsus olduğu deyilən park yandı və ya yandırıldı
Etibar Pirverdiyevə məxsus olduğu deyilən park yandı və ya yandırıldı 
Tarix: 29-08-2018, 22:37
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman