ABŞ Dövlət Departamentinin nümayəndəsi Ermənistanın Azərbaycanla sərhəd bölgəsində olub
ABŞ Dövlət Departamentinin Qafqaz İşləri və Regional Münaqişələr Departamentinin direktoru Mark Kemeron Ermənistanın Azərbaycanla həmsərhəd Qeqarkunik bölgəsinə səfər edib.
AYNA xəbər verir ki, bu barədə ABŞ-ın Ermənistandakı səfirliyinin Mətbuat Xidməti məlumat yayıb.
 “Mark Kemeron Qeqarkunik rayonuna - Vardenis və Sotk yaşayış məntəqələrinə səfər edib, Ermənistan Silahlı Qüvvələrinin ikinci korpusunun komandiri ilə görüş keçirib, həmçinin Ermənistan-Azərbaycan sərhədindəki vəziyyətlə tanış olub. Səfər zamanı o, Cənubi Qafqazda davamlı sülh məsələlərində ABŞ-ın dəstəyini bir daha vurğulayıb”, - məlumatda bildirilib.